"ყველაზე მნიშვნელოვანი ფაქტორი, თუნდაც სიკვდილიანობის შესამცირებლად, არის ვაქცინაცია" - ალექსანდრე გოგინავა
ჯანდაცვა
კორონავირუსით ინფიცირების შემთხვევები იკლებს, მაგრამ სიკვდლიანობის მაჩვენებელი, კვლავ მაღალია. ამის ფონზე კი, ვაქცინაციის ტემპმა საგრძნობლად იკლო, რასაც დღიურად ჩატარებული აცრების რაოდენობაც ადასტურებს. დაახლოებით 25 ათასის ნაცვლად, ამჟამად, ვაქცინაციის დღიური მაჩვენებელი მხოლოდ 8 ათასამდეა. ეპიდემიოლოგების განცხადებით, ერთადერთი გამოსავალი იმისთვის, რომ მდგომარეობა დასტაბილურდეს, მოსახლეობის მხრიდან საჭიროა ვაქცინაციის პროცესში აქტიური ჩართულობა და არსებული რეგულაციების მკაცრი დაცვაა
"ჯერ არ არის სტაბილური სიტუაცია, ამიტომ, ძალიან მნიშვნელოვანია, მოსახლეობამ რეკომენდაციები დაიცვას. ყველაზე მნიშვნელოვანი ფაქტორი, თუნდაც სიკვდილიანობის შესამცირებლად, არის ვაქცინაცია. ბოლო რამდენიმე დღეა, დღიურად ვაქცინირებული ადამიანების მაჩვენებლის ტენდენცია კლებისკენაა, აუცილებელია რეკომენდაციების დაცვა, პირბადის გამოყენება იმ სივრცეებში, სადაც ეს საჭიროა, ასევე, ფიზიკური დისტანცირება,"- აცხადებს ინფექციური პათოლოგიის და შიდსის ცენტრის ინფექციონისტი ალექსანდრე გოგინავა.
1
s
s
s