23, სექტემბერი 2021 13:24:00
ქობულეთის პარალელურად, სტიქიის შედეგებს, ამ დრომდე, ითვლიან ბათუმშიც. ბოლო მონაცემებით, ქალაქის მასშტაბით, 100-ზე მეტი ოჯახი დაიტბორა. 20 ტერიტორიაზე განვითარდა მეწყრული პროცესები, რომელთაგან 10 სახლი საცხოვრებლად შეუსამაბო გახდა. მერიამ დაზარალებულები უსაფრთხო ადგილზე გაიყვანა. უწყების ცნობით, მუდმივმოქმედი საბჭო კომპენსაციების გაცემას მალე დაიწყებს.