სექტემბრის უამინდობებისას ფაქტობრივად ღია ცის ქვეშ დარჩენილი ოჯახი სოფელ ქობულეთში. ძლიერმა წვიმებმა სახლს ჯერ კიბის უჯრედი გამოაცალა, სამი დღის წინ კი საკარმიდამო ნაკვეთი დაემეწყრა. საფრთხე ახლა ეზოსაც ემუქრება. გეოლოგების დასკვნით, შენობა საცხოვრებლად უვარგისია და დემონტაჟს საჭიროებს. დეტალები თამარ კიკნაძის სიუჟეტში.
ეს ნანგრევები, ახლა მიხეევების ეზოს შესასვლელში სახელდახელოდ რომ ყრია, სულ რამდენიმე დღის წინ, კიბის კონსტრუქცია იყო და საცხოვრებელი სახლის ნაწილს წარმოადგენდა. ახლა მისგან, გარდა რკინის მოაჯირსა, აღარაფერი დარჩენილა. სახლს კიბე, ათი სექტემბრის ძლიერმა წვიმამ გამოაცალა. ჩამოვარდა იატაკის ის ნაწილიც, რომელზეც კიბე იყო დამაგრებული.
მას შემდეგ, ოჯახი სახლში, სახელდახელოდ გაკეთებული ამ ხის კიბით ადის. მასალა, სოფელ ქობულეთის გამგებელმა მიუტანა. ჰყავდათ გეოლოგებიც, თუმცა დასკვნას, ვერა და ვერ ეღირსნენ. ამბობენ, რომ მეზობლებთან ღამის გასათევად დიდხანს ვერ ივლიან.
მდგომარეობა კიდევ უფრო, სამი დღის წინ დაწყებული უამინდობისას გახდა საშიში. ძლიერი წვიმის შედეგად, მეწყრული პროცესი, მიხეევის ბაღში განვითარდა და თითქმის ეზომდე მოვიდა. ოჯახი შიშობს, რომ წვიმების გაგრძელების შემდეგ, აღარც ეზო შერჩებათ და ავარული სახლიდან, ვეღარც ნივთების გატანას მოასწრებენ.
რა ბედი ეწია, საინჟინრო-გეოლოგიურ დასკვნას, პასუხის გასარკვევად ქობულეთის მერიას მივაკითხეთ. ჯანდაცვისა და სოციალური სამსახურის უფროსმა გვითხრა, რომ დასკვნა სულ რამდენიმე წუთის მიღებული იყო. ხათუნა მამასახლისი ამბობს, რომ ოჯახი გაყვანას ექვემდებარება და მერია ხვალიდანვე იზრუნებს, ქირით, ალტერნატიულ ფართში გადაყვანას. რა სახის დახმარება გაეწევა მიხეევის ოჯახს საბოლოოდ, დასკვნის გათვალისიწნებით, ამაზე სამსახურის უფროსს, ჯერ ზუსტი პაუხი არ აქვს.
დოკუმენტი ვერ ვნახეთ და შესაბამისად, ვერც ის დავადგინეთ, რა რიცხვითაა დათარიღებული, თუმცა ფოტო ასლი რომელიც, ქობულეთის მერიის პრეს-სამსასურმა მოგვაწოდა, წერია, რომ ტერიტორია, ძველ მეწყრულ ფერს წარმოადგენს, შენობას კი გრუნტის წყელების ზემოქმედების შედეგად დეფორმაცია აქვს მიღებული. დადასტურებულია, რომ სექტემბრის წვიმებმა დაანგრია კიბის უჯრედი და საფრთხე შეუქმნა სახლის მდგრადობას, აღარ ექვემდებარება აღდგენას, საცხოვრებლად სახიფათიოა და საჭიროებს დემონტაჟს.
8
.jpg)
s
s
s