"ლეონიძის ქუჩაზე აფეთქების შედეგად ერთ-ერთი დაშავებული გადმოყვანილია ჩვენ კლინიკაში. პაციენტის მდგომარეობა უკიდურესად მძიმეა, აღენიშნება სხეულის 90% დამწვრობა, ასევე, სასუნთქი გზების დამწვრობები" - ინფორმაციას სამედიცინო ცენტრი "მედინა" ფეისბუქის გვერდის მეშვეობით ავრცელებს. 

შეგახსენებთ, შემთხვევა ცოტა ხნის წინ მოხდა. არსებული ინფორმაციით, ცეცხლი გაზგასამართ სადგურს მოედო. იწვის საცხოვრებელი სახლებიც. აფეთქების მიზეზი ამ ეტაპზე უცნობია. ადგილზე მეხანძრე-მაშველები არიან მობილიზებულები. ტერიტორიაზე ჩვენი გადამღები ჯგუფიც იმყოფება და დამატებით დეტალების გარკვევას ვცდილობთ. 

პირდაპირი ეთერი შემთხვევის ადგილიდან