16, აგვისტო 2017 19:50:00
„ბათუმის კორპუსი“ ავარიული სახურავების გამოცვლას აგრძელებს. 3%-ანი თანადაფინანსების ფარგლებში მიმდინარე წელს სულ 16 სახლზეა დაგეგმილი თუნუქის ფიქრფიტების შეცვლა, აქედან სამუშაოები უკვე დასრულებულია შვიდ საცხოვრებელზე, ნაწილზე კი მიმდინარეობს. 16 სახლზე სახურავის გამოცვლისთვის 2017 წელს 643 ათასი ლარია გათვალისწინებული. გორგასლის ქუჩაზე მიმდინარე სამუშაოებს „ბათუმის კორპუსის“ ხელმძღვანელი დღეს გაეცნო.