„ქართული ოცნების“ პარტიული სიის რჩეულები, ქედაში, საკრებულოს ის მოქმედი დეპუტატები არიან, რომლებსაც მესამე სექტორის კვლევებით პასიურის სტატუსი აქვთ. სიის პირველი ნომერი ამირან ცინცაძე, ქედის საარჩევნო შტაბს ხელმძღვანელობს. 21 ჩატარებული სხდომიდან, კანდიდატი, რომელსაც ახალი მოწვევის საკრებულოში, თავმჯდომარეობა სურს, მხოლოდ, 12 სხდომას დაესწრო. მსგავსი მონაცემები აქვთ მმართველი პარტიის სხვა რჩეულებსაც. ამის მიუხედავად, ქედის საკრებულოს ერთადერთი ქალი დეპუტატი აცხადებს, რომ პასიური არაა.
მოქმედ საკრებულოში, თანამდებობის მქონე დეპუტატებიდან გაუმართლა ოთარ ხარაძესაც. პარტიამ ის, მაჟორიტრ კანდიდატად დაასახელა. ხარაძე ერთ- ერთია მათგან, ვინც, სხვებთან შედარებით, აქტიურია.
სახელისუფლებო პარტიის რჩეული ვერ გახდა ქედის საკრებულოს მოქმედი თავმჯდომარე შუქრი თურმანიძე. ჩვენი ინფორმაციით ის, გახარიას პარტიას, ხელისუფლების მხრიდან, დასაქმების დაპირების სანაცვლოდ აღარ შეუერთდა. თუმცა, თავად ამ ინფორმაციას უარყფს. აცხადებს, რომ გუნდის წევრად რჩება.
არასამთავრობო ორგანიზაცია, საზოგადოებრივი კვლევის აკადემია, ანგარიშებს, თანამდებობის მქონე თუ რიგითი დეპუტატების მუშაობაზე კვარტალურად აქვეყნებს.
ქედის საკრებულოს მოქმედი დეპუტატების გარდა, პარტიის ათეულში, მხოლოდ სამი ახალი კანდიდატია. მარინა ბარამიძე, მანონი სურმანიძე და ლევან ბერიძე. პასიური მუშაობის ფონზე, რა მოლოდინი უნდა ჰქონდეს მუნიციპალიტეტის მოსახლეობას? არაერთი მცდელობის მიუხედავად, ამ საკითხებზე, ამირან ცინცაძის ჩაწერა ვერ მოვახერხეთ.
3
s
s
s