03, ოქტომბერი 2021 21:21:00
მოქალაქე, რომელიც ჩვენს ჟურნალისტზე ფიზიკურად ძალადობს, „ქართული ოცნების“ კოორდინატორია. საარჩევნო უბანთან, გამზადებული სიებით მობილიზებული, მმართველი პარტიის მხარდამჭერების გაღიძანება, “TV25”ის რეპორტიორის მიერ, უკანონო საქმიანობაში გამოიაშკარავებამ გამოიწვია.
წელს, ამომრჩევლის ნებაზე ზეგავლენის მოხდენის მსურველებმა, ტაქტიკა შეცვალეს. თუ კი, შარშან, საარჩევნო უბნებთან სამარშრუტო ტაქსებით მობილიზებას ქორწილში წასვლის მიზეზით ხსნიდნენ, ახლა, კოვიდ აკრძალვების გამო, მისი ჩანაცვლება, გასვენებით მოუწიათ.
მიუხედავად იმისა, რომ კამერებზე აღბეჭდილ მტკიცებულებებს უარყოფენ, ფაქტია რომ მოქალაქეები, რომლებიც სამძიმარზე მიდიან, ამომრჩეველთა სიებს ტომებად არ ადგენენ. მსგავისი მდგომარეობა იყო, გუშინ, მე-12-ე საარჩევნო უბანთანაც.
მოქალაქეების მტკიცებით, საარჩევნო უბნებს, მეთვალყურეობას ე.წ ძველი ბიჭებიც უწევდნენ, როგორც თვითმხილველები გვიყვებიან, მმართველი გუნდის მხარდამჭერთა სიებს, ისინიც ადგენდნენ, რამაც ხელჩართული ჩხუბი გამოიწვია.
ვინ არიან ადამიანები, რომლებიც „ქართული ოცნების“ მხარდამჭერთა სიებში მოხვდნენ. „ტვ25“-ის მიერ მოპოვებულ მასალებში, ასამდე სახელს და გვარს, ტელეფონის ნომრებთან და მისამართებთან ერთად ვკითხულობთ. რას ამბობენ, ისინი და იციან თუ არა, რომ
კოორდინატორების მიერ, შედგენილ დოკუმენტებში მოხვდნენ? მათგან
რამდენიმეს შემთხვევითობის პრინციპით დავუკავშირდით. მათგან უმრავლესობამ სიებში არსებობის შესახებ ჩვენგან გაიგო, რის გამოც გაოცებას ვერ მალავენ.
მიუხედავად იმ ფაქტებისა, რომელებიც ჩვენს ობიექტივში მოხდა, „ცესკო“-ს ბოლო მონაცემებით, ბათუმში, გაერთიანებული ოპოზიციის მერობის კანდიდატი ლიდერობს. თვითმმართველი ქალაქის საკრებულოს კი უმრავლესობით ოპოზიცია იქნება წარმოდგენილი.