ასე ზეიმობდა მმართველი გუნდი გუშინ, არჩევნების შედეგებს. ტაშით, ოვაციებით და ემოციებით „ქართული ოცნების“ ლიდერები მხარდამჭერებთან ერთად „გორბის“ მიერ ჩატარებული ეგზიტპოლის ციფრებს შეხვდნენ. გამარჯვებულ განწყობაზე მყოფი თორნიკე რიჟვაძე და არჩილ ჩიქოვანი დარწმუნებულები იყვნენ, რომ ბათუმშიც დამაჯერებელ უპირატესობას მოიპოვებდნენ.
ამ დროს, ბიძინა ივანიშვილის მთავარმა ძალამ აჭარაში, არ იცოდა, რომ რამდენიმე საათის შემდეგ, ამომრჩეველი რეგიონში სერიოზულ სიურპრიზს მოუწყობდა. ეს სიურპრიზი კი, ასე გამოიყურება. ცესკოს წინასწარმა მონაცემებმა ოცნების მაღალჩინოსნებს იმედები გაუცრუა და ბედის ირონია მარტივად აჩვენა. აღმოჩნდა, რომ მთავრობის თავმჯდომარეს მეგობრისა და ნათესავის კანდიდატურამ ვერ გაუმართლა.
ლადო მგალობლიშვილი ერთ-ერთი იყო, ვინც იმედის ეგზიტპოლის შედეგებს ევროპის მოედანზე გუშინ ტაშს გამალებით უკრავდა. მას შემდეგ, რაც ცესკომ პირველადი მონაცემები დადო, მმართველი გუნდის დეპუტატის ნახვა „მაცნეს“ გადამღებ ჯგუფს დღეს გაუჭირდა. ემოციაც შეეცვალა, თუმცა ამბიცია- არ. გაერთიანებული ოპოზიციის კანდიდატს, როგორც ყოველთვის, დღესაც დაპირდა, რომ მეორე ტურში დამაჯერებლად მოუგებენ. კითხვისას უარყო, თუმცა ფაქტია, რომ გარკვეულ უბნებზე„ოცნება“ იგებს, მაგრამ გავლენებს ნელ-ნელა კარგავს.
განსახვავებული ემოციები ჰქონდა დღეს აჭარის მთავრობის თავმჯდომარესაც არჩევნების შედეგების შეფასების დროს. თუკი გუშინ, სჯეროდა, რომ გამარჯვება დამაჯერებელი იქნებოდა, დღეს ამ თემაზე საუბარი, მომავლისთის გადადო. აღიარა, რომ მეორე ტურის მოლოდინი არ ჰქონიათ. განცხადებაში გამოურია სიტყვა „ალბათ“. ჩვეული დარწმუნებით ვერ, თუმცა თქვა, რომ მოსახლეობასთან კომუნიკაცია მიაკლდათ.
ვინ ვის დაასრულებს ან იქნება თუ არა რეფერენდუმი - კითხვებზე გაერთიანებულ ოპოზიციაში მკაფიო პასუხები აქვთ. გიორგი კირთაძეს უკვირს, რა იზეიმა გუშინ „ქართულმა ოცნებამ“ ნაადრევად. ერთიანი ნაციონალური მოძრაობის მერობის კანდიდატს სჯერა, რომ მეორე ტურში დამაჯერებლად მოიგებს და ქალაქს კოალიციურ მერია და მრავალპარტიული საკრებულო ექნება.
ოპოზიციამ რომ გამარჯვება შეძლო, ამაზე საუბრობენ პარტიაში „ ლელო საქართველოსთვის“. ირაკლი კუპრაძეს ამის მაგალითად გიორგი კირთაძის არჩილ ჩიქოვანთან უპირატესობა მოჰყავს. ამბობს, რომ მობილიზებას მეორე ტურშიც შეძლებენ.
ექსპრემიერის პარტიაში "საქართველოსთვის" ამბობენ, რომ ბინძური მცდელობის მიუხედავად პოლიტიკური ველიდან ვერ გააქრეს.ბათუმის მერობის კანდიდატი ამტკიცებს, რომ რომ არა პოლიტიკური ზეწოლა და შანტაჟი, უკეთეს შედეგებს დადებდნენ
ქვეყნის მესამე პრეზიდენტი საკანშია. ოცნება დაბნეულია. მეორე ტურამდე კი 3 კვირა რჩება. თუკი მმართველი გუნდის პროგნოზები მათ დამაჯერებელ გამარჯვებასთან დაკავშირებთ, ისე გამართლდება, როგორც მიხეილ სააკაშვილის საქართველოში ვიზიტთან მიმართებაში, შესაძლოა რამდენიმე დღეში ოცნებადაკარგულ სამშობლოში გაიღვიძოთ.