07, ოქტომბერი 2021 15:36:00
პარლამენტის ვიცე-სპიკერი, გია ვოლსკი, ჟურნალისტის კითხვას - გადადგება თუ არა პრემიერი? - პასუხობს, რომ "ღარიბაშვილს თანამდებობიდან წასვლის არანაირი საფუძველი არ აქვს და რომც უნდოდეს, არ უნდა გავუშვათ." მისი თქმით, ირაკლი ღარიბაშვილის მიმართ არაერთი ჭორი გავრცელებულა და ესეც მორიგი მათგანია.
"ღარიბაშვილზე შეტევა მუდმივად იქნება. მან შსს მინისტრად თუ პრემიერად ყოფნის პერიოდში საკმაოდ სერიოზული, მათ შორის პოლიტიკური ზიანი მიაყენა მოწინააღმდეგე ოპონენტ პარტიას და ამ საკითხებთან დაკავშირებით საკმაოდ ობიექტური პოზიცია დაიკავა. მის სახელთან ბევრი რამ არის დაკავშირებული - თუნდაც ჯარის დახვეწის გზაზე მიღწეული თვალსაჩინო შედეგები. - განაცხადა ვოლსკიმ.