ბათუმის საქალაქო სასამართლოს მოსამართლე როინ კახიძემ, საზღვაო აკადემიის პროფესორის სარჩელი დააკმაყოფილა. ვაჟა ანანიძე ბათუმის საზღვაო აკადემიას, სხვადასხვა მუხლით ედავებოდა. ითხოვდა გათავისუფლების ბრძანების ბათილად ცნობას, განაცდურის ანაზღაურებას და თანამდებობაზე აღდგენას. სასამართლოს გადაწყვეტილებით იგი აღდგენილი იქნება ტოლფას თანამდებობაზე, აკადემია მას კომპენსაციის სახით დაახლოებით 30ათას ლარს გადაუხდის, გარდა ამისა აუნაზღაურდება გაცდენილი სამუშაო საათების თანხას,  25 ათასი ლარის ოდენობით ხელფასის სახით.

ანანიძის მოთხოვნაში შედიოდა, რომ იგი აკადემიაში პროფესორ მაწავლებლის თანამდებობაზე აღედგინათ, თუმცა ეს მოთხოვნა არ დაუკმაყოფილდა. იგი აპირებს, რომ აღნიშნულთან დაკავშირებით კონსულტაცია იურისტებთან გაიაროს და შემდგომ მიიღებს გადაწყვეტილებას, გაასაჩივრებს თუ არა ქუთაისის სააპელაციო სასამართლოში. მის უფლებებს „საერთაშორისო გამჭვირვალობა საქართველოს“  იურისტები იცავდნენ. ანა დოლიძის თქმით დღევანდელი გადაწყვეტილებით სასამართლომ ნაწილობრივ ჩააბარა ტესტი, რომ სამართალი იმარჯვებს.

ვიდრე სასამართლოს მიერ, გადაწყვეტილება იქნებოდა მიღებული, ანანიძე 15 თვის მანძილზე იბრძოდა, რომ საკუთარი სიმართლე დაემტკიცებინა. იგი ყოველდღიურად 1 კაციან საპროტესტო აქციას ტრანსფარატით ხელში, წელოწადის დროის და  ამონდის მიუხედავად მართავდა.

ანანიძის  მტკიცებით, მენეჯმენტმა იგი აკადემიიდან,  რექტორთან დაპირისპირების გამო გაათავისუფლა. საქმე იმაშია, რომ ანანიძემ ირაკლი შარაბიძე პლაგიატში დაადანაშაულა. ზუსტად 4 თვის შემდეგ კი ეთიკიის საბჭომ მისი სამსახურიდან გაშვების გადაწყვეტილება მიიღო.

Tags:

გაზიარება

4