ეს ერთ-ერთი პირველი კადრია, სადაც ჩანს, როგორ დაინგრა 26 მაისის ქუჩაზე, შვიდსართულიანი კორპუსის ერთ-ერთი სადარბაზო მთლიანად. მოქალაქე სიკვდილს სრულიად მოულოდნელად და შემთხვევით გადაურჩა.

როცა მტვერი გაიფანტა, აღმოჩნდა, რომ კორპუსის ერთი ნაწილი, მიწასთან იყო გასწორებული. დაზიანდა პარკინგზე მდგომი ავტომანქანებიც. ადამიანები შიშმა და პანიკამ მოიცვა. ოჯახის წევრები თითქმის მთელი დღის განავლობაში ცდილობდნენ იმის დადგენას, გადაურჩნენ თუ არა სიკვდილს ისინი, ვინც ნგრევის დროს სახლში იყო.

სასწარფო და სამაშველო ჯგუფები აქ დილიდან იყვნენ მობილიზებულები. მოხდა იმ ადამიანების ევაკუაცია, რომლებიც დანგრეული სადარბაზოს მომიჯნავე ოთახებში იყვნენ. სიკვდილს გადაურჩა მცირეწლოვანი ბავშვიც, რომელიც მაშველებმა ავტომანქანიდან გამოიყვანეს.

ნაგრევების ქვეშ მოჰყვა: ძიძა ორი ბავშვით, დედა-შვილი, მოხუცი ქალი, ასე თითქმის ყველა სართულზე. მცირე ნაწილთან, ოჯახის წევრებმა მობილურით კონტაქტი შეძლეს, ნაწილი კი ამბობდა, რომ ტელეფონს არავინ პაუხობდა.

ამგვარად, დღის განმავლობაში, კონტაქტი, მაშველებსა და ნანგრევებში მოყოლილ ადამიანებს შორის, რამდენჯერმე მოხდა. ისინი ხსნას, დილის 12 საათიდან ელოდებიან. რამდენი ადამიანია მოყოლილი დაშლილი კურპუსის ქვეშ, ისევ დაუზუსტებელია.

რამ გამოიწვია სახლის ნგრევა, სხვადასხვა ვერსიაზე საუბრობენ, თუმცა უმრავლესობა ფიქრობს, რომ ნგრევა, კორპუსის პირველ სართულზე მიმდინარე სამუშოებს უკავშირდება, სადაც სილამაზის სალონი უნდა განთავსებულიყო. სადარბაზოს ჰქონდა ლიფტიც, რომელიც კონსტრუქციით გარედან იყო მიმაგრებული.

სამაშველო სამუშოებს ძირითადად ცოცხალი ძალა ასრულებს. ნანგრევები კი პარალელურ რეჟიმში, სპეციალურ ტექნიკას გააქვს.

Tags:

გაზიარება

3