11, ოქტომბერი 2021 15:00:00
პრემიერმა ირაკლი ღარიბაშვილმა განმარტა, 1 ოქტომბერს საზოგადოებას ბიძინა ჩოლოყაშვილის ხსენების დღე მიულოცა.
1 ოქტომბერი ეს არის ქართველი წმინდანის, ბიძინა ჩოლოყაშვილის ხსენების დღე და ბიძინობა ეს არის საყოველთაოდ ცნობილი დღე როდესაც ჩვენ ავღნიშნავთ ქართველი წმინდანის დღეს. სწორედ აქედან გამომდინარე ვახსენე აღნიშნული თარიღი, ამ კონტექსტში ვახსენე - ამბობს ღარიბაშვილი.
შეგახსენებთ, 1-ელ ოქტომბერს მთავრობის ადმინისტრაციაში გამართულ ბრიფინგზე ირაკლი ღარიბაშვილმა განაცხადა, რომ მიხეილ სააკაშვილი დაკავებულია, შემდეგ კი ბიძინა ივანიშვილს ბიძინაობა მიულოცა.
"დღეს არის პირველი ოქტომბერი და ბიძინაობა. მე დღეს არ მქონია შესაძლებლობა, რომ ჩვენი პარტიის დამფუძნებლისთვის მიმელოცა დღვანდელი დღე. 9 წელი გავიდა ისტორიული გამარჯვებიდან. ვულოცავ ბატონ ბიძინა ივანიშვილს დღევანდელ დღეს", - თქვა ღარიბაშვილმა.