11, ოქტომბერი 2021 18:41:00
რუსეთის, ალკოჰოლით მასობრივი მოწამვლის შედეგად დაღუპულთა რაოდენობა 34-მდე გაიზარდა. შემთხვევა ორენბურგის ოლქში მოხდა. ინფორმაციას უცხოური მედია ავრცელებს.
გავრცელებული ცნობებით, 24 მოწამლული ადამიანი საავადმყოფოებში მკურნალობს, მათგან 7-ის მდგომარეობა მძიმეა.
ორენბურგის ოლქის გამომძიებლებმა სისხლის სამართლის საქმეების აღძვრა მას შემდეგ დაიწყეს, რაც წინა კვირაში ალკოჰოლით ინტოქსიკაციის შედეგად მოქალაქეების გარდაცვალების რამდენიმე ფაქტი დაფიქსირდა. გამოძიების ფარგლებში სამართალდამცავებმა ალკოჰოლის უკანონო წარმოებისა და რეალიზაციისთვის დღემდე 10 პირი დააკავეს.
პოლიციამ შაბათს 2 ათასი ბოთლი ალკოჰოლი ამოიღო. სასმელში მეთანოლი აღმოაჩინეს, რაც ტოქსიკურია.