ტვინდემიის პანდემია - ეპიდემიოლოგები ახალ საფრთხეზე საუბრობენ. ეს ნიშნავს, რომ თუ სეზონურ გრიპს, კოვიდ 19-ით ინფიცირება დაემატება, ავადობა შესაძლოა მომაკვდინებელი იყოს, შესაბამისად, ეპიდემიოლოგიური მდგომარეობა კიდევ უფრო დამძიმდება. ამ ფონზე, ქვეყანაში, ვაქცინაციის ტემპი საგანგაშოდ შემცირდა. თუ ზაფხულში, დღეში საშუალოდ 20 000 დოზა აცრა კეთდებოდა, დღეს, იგი ფაქტობრივად მეოთხედამდე დავიდა.
რატომ იკლო აცრის მსურველთა რაოდენობამ? - ოპოზიციაში ხელისუფლების ბრალეულობას ხედავენ. „ლელო საქართველოში“ ამბობენ, რომ ამას კიდევ ერთი ახსნა აქვს. როცა მოსახლეობა ხედავს, ახალი შემთხვევების გამოვლენის კლების ტენდენციას, დუნდება და ვაქცინაციის აუცილებლობას ზერელედ უყურებს.
ხელისუფლების ოპონენტები ამბობენ, რომ იმუნიზაციის გასაუმჯობესებლად, სახელმწიფოს, პროცესში სოფლის ექიმების ჩართულობაც უნდა უზრუნველეყო, რაც დღემდე ვერ შეძლო.
სასწავლო პროცესის დასწრებულ ფორმატში განახლებას რომ მოჰყვა კოვიდსტატისტიკის ზრდა, ამაზე, აჭარის საზოგადოებრივ ჯანდაცვაშიც საუბრობენ. აქ ეთანხმებიან ოპონენტების შეფასებას იმ ნაწილშიც, რომ მოსახლეობა გასულ თვეებში, დაბალი ინფიცირების კლებამ მოადუნა და ვაქცინაცია გადაიფიქრა. რუსუდან შავიშვილი ამბობს, რომ მაღალმთიან მუნიციპალიტეტებში იმუნიზაციის პროცესის გასაძლიერებლად ზომები უკვე მიიღეს და აქვს მოლოდინი, რომ იმუნიზაციის კალენდარულ გეგმას აუცილებლად დაეწევიან. ეს კი იმას ნიშნავს, რომ, რომ წლის ბოლოსთვის, მოსახლეობის 60 % ვაცინირებული უნდა იყოს.
რაც შეეხება, ე.წ. ტვინდემიას, აჭარის საზოგადოებრივი ჯანდაცვის ცენტრში ამბობენ, რომ უკვე მიიღეს სეზონური გრიპის ვაქცინები და მათი გამოყენება, კოვიდ19-ის საწინააღმდგეო პრეპარატთან ერთად, დაშვებულია და მას უკუჩვენება არ აქვს.
2
s
s
s