14, ოქტომბერი 2021 10:01:00
საქართველოს მესამე პრეზიდენტის გათავისუფლების მოთხოვნით ბათუმიდან დედაქალაქის მიმართულებით ავტოკოლონა გაემგზავრა. „ერთიანი ნაციონალური მოძრაობის“ წევრები და მათი მხარდამჭერები თავისუფლების მოედანზე, ექსპრეზიდენტის მხარდასაჭერ აქციაზე შეკრებას აპირებენ. პარტიის წევრისა და ბათუმის მერობის კადიდატის, გიორგი კირთაძის თქმით, მიხეილ სააკაშვილი ივანიშვილის პირადი პატიმარია და მისი გათავისუფლება ღირსების საკითხია.
"სიმბოლურია ჩვენი შეკრება ამ ადგილას, საქართველოს მესამე პრეზიდენტმა 8-წლიანი დევნილობის შემდეგ პირველი საჯარო განცხადება საქართველოში სწორედ აქ, ამ ადგილიდან გააკეთა. ყველამ კარგად იცის, როგორ უყვარს მიშას ბათუმი და აჭარა, ამ სიყვარულისთვის და თავდადებისთვის ისჯება სწორედ ის, ამიტომაა ის დღეს ციხეში და არის ივანიშვილის პირადი პატიმარი" - თქვა გიორგი კირთაძემ.
ცნობისთვის, თბილისში დაგეგმილ აქციას სხვა რეგიონებიდანაც უერთდებიან, თავისუფლების მოედანზე მოქალაქეები 18:00 საათზე შეიკრიბებიან.