მას შემდეგ რაც ექსპერტიზის დასკვნის მიხედვით, 26 მაისის ქუჩაზე მდებარე ჩამონგრეული კორპუსის დემონტაჟის აუცილებლობა დადგა, ბათუმის მერია მოქალაქეებს სხვადასხვა ალტერნატივას სთავაზობს. ინციდენტიდან 6 დღის შემდეგ, ადგილობრივებს, ბათუმის მერის მოვალეობის შემსრულებელი ლელა სურმანიძე შეხვდა. მისი თქმით, ჩამონგრეული სახლის დემონტაჟის შემდეგ, ადგილზე დაახლოებით იგივე ზომის ახალი, კორპუსი აშენდება.
ვიდრე კორპუსი აშენდება, მერია დაზარალებულებს მათ მიერვე შერჩეული ბინების ქირის გადახდას სთავაზობს. ასევე, შეუძლიათ, საცხოვრებლები მერიის საბინაო ფონდის 61 ბინიდან აირჩიონ.
თუ კი დაზარალებული, ქალაქის ცენტრიდან პერიფერიაში გადასვლას დათანხმდება, ამჟამინდელი საცხოვრებელი შეფასდება და ფართთან ერთად, ფულად კომპენსაციასაც მიიღებენ. საცხოვრებლები მფლობელებს გარემონტებულ მდგომარეობაში ჩაბარდებათ, ხოლო, საყოფაცხოვრებო ნივთების შესაძენად, თანხებიც გადაეცემათ. მოქალაქეებმა მათთვის სასურველი შეთავაზება, თავად უნდა აირჩიონ.
დღევანდელ შეხვედრაზე გაჟღერდა ისიც, რომ ზარალი კორპუსის ჩამონგრევის შედეგად, დამტვრეული ავტომანქანების მფლობელებსაც აუნაზღაურდებათ.
6
s
s
s