15, ოქტომბერი 2021 18:41:00
მოახლოებული ზამთარი და სოფლად მცხოვრები ოჯახების კიდევ ერთი საფიქრალი. ადამიანები შიშობენ, რომ ზამთრისთვის მომზადებას ვერ არხერხებენ, რადგან ერთი კუბური მეტრში შეშა 300 ლარამდე გაძვირდა. მხოლოდ შუახევში, დღეის მდგომარეობიოთ, მერიას სათბობი შეშით უზრუნველყოფას, 150 ოჯახი სთხოვს.
ზამთრის მოახლოებასთან ერთად, აჭარის მთიანეთში, მოსახლეობის მთავარი პრობლემა სათბობი შეშის მომარაგებაა. აქ, არც ბუნებრივი აირია და არც გათბობის სხვა საშუალება. სიცივისგან თავის დასაღწევად, ძირითადად შეშა გამოიყენება. საწვავის გაძვირების პარალელურად, ფასმა ამ უკანასკნელზე მოიმატა. სოციალურად შეჭირვებული მოსახლეობა, შეშით მომარაგებას ვერ ახერხებს, ან იმ თანხით ყიდულობს, რასაც ხელისუფლება, მათ გამოსაკვებად ურიცხავს. მოქალაქეების თქმით, გასულ წელთან შედარებით ახლა, ერთი ზამთრისთვის საჭირო სათბობი შეშა 200-300 ლარით გაძვირდა.
შუახევის მერის მოადგილის ინფორმაციით, მოსახლეობის იმ ნაწილს, რომელიც გარკვეულ კრიტერიუმებს აკმაყოფილებს, თვითმართველობა სათბობ შეშას შეუსყიდის. რუსუდან შავაძის განცხადებით, მთავარი მოთხოვნა სპეცსაჭიროება, მარტოხელობა და სოციალურად დაუცველთა ბაზაში, რეგისტრირებული დაბალი სარეტინგო ქულაა. შეშის შესყიდვის მოთხოვნით, მერიაში ამ დროსთვის 150-მდე მოქალაქის წერილობითი განაცხადია შესული. უწყების ცნობით, ყველა იმ ოჯახის მოთხვნას დააკმაყოფილებენ, რომლებსაც დახმარება სჭირდება.
სატყეო სააგენტოს შუახევის ადმინისტრაციას, მიმდინარე წელს, სოციალური ჭრებისთვის სულ, 24 ათასი კუბური მეტრი სათბობი შეშა აქვს გამოყოფილი. სანიტარული ჭრებით, უწყებამ, 3 ათას 600 კუბამეტრი სათბობად გამოსადეგი მასალა დაასაწყობა, რისი შესყიდვაც უვე შესაძლებელია. ირაკლი ზოიძის განმარტებით, სოციალურ ჭრებთან დაკავშირებით ნებართვების გაცემაზე პრობლემა არ არის.
იმ შემთხვევაში თუ კი ოჯახი, მერიის მიერ გაწერილ კრიტერიუმებს ამაყოფილებს, უსასყიდლოდ სათბობი შეშის მისაღებად, მოქალაქემ უწყებას წერილობით უნდა მიმართოს. შუახევის თვითმართველობის ინფორმაციით, თითოეულ ოჯახს, 5-6 კუბამეტრამდე სათბობ შეშას შეუსყიდიან და უფასოდ გადასცემენ.