ქართული ოცნების წევრი, შალვა პაპუაშვილი, მიხეილ სააკაშვილის გათავისუფლების მოთხოვნით შექმნილ პეტიციაზე გააკეთა კომენტარი, სადაც ამბობს, რომ ვინც სააკაშვილთან დაკავშირებით წერილს ხელს აწერს, პატივს არ სცემს კანონის უზენაესობას.

"მნიშვნელობა არ აქვს ვინ აწერს ხელს, ყველა ვინც ხელს აწერს ამას პატივს არ სცემს მიხეილ სააკაშვილის დანაშაულების მსხვერპლებს, პატივს არ სცემს კანონის უზენაესობას, ეს ნაკარნახევია მიხეილ სააკაშვილის მიმართ ლობიზმით, ეს არის ფაქტი. განსაკუთრებით ქართველი პოლიტიკოსების ხელმოწერამ ეს ყველაფერი კიდევ უფრო ცხადი გახადა. გარდა ამისა, იქ არიან სხვა პოლიტიკოსებიც, მაგალითად, რაფაელ გლუკსმანი, ის გახლდათ წლების განმავლობაში სააკაშვილის მრჩეველი და სახელმწიფო ბიუჯეტიდან დაფარული ხარჯებით იღებდა ანაზღაურებას. ასე რომ, გასაკვირი არ არის, რომ ასეთი პირადი სიმპატიებით და ლობიზმით არის ნაკარნახევი ეს წერილი,"- განაცხადა პაპუაშვილმა.

ცნობისთვის, სხვადასხვა ქვეყნის 73 პოლიტიკოსი მიხეილ სააკაშვილის გათავისუფლებას ითხოვენ. წერილის ავტორების განცხადებით, სააკაშვილის პატიმრობა უნდა შეჩერდეს მანამ, ვიდრე ის წარდგება სამართლიანი სასამართლოს წინაშე.

Tags:

• მიხეილსააკაშვილი
• შალვაპაპუაშვილი

გაზიარება

3