საქართველოს პარლამენტი ხელოსანთა ლიცენზირების საკითხს განიხილავს. წინადადებით საკანონმდებლო ორგანოს მოქალაქე, მარიამ ჭყონიამ მიმართა.
როგორც წინადადებაშია აღნიშნული, დროა ვიფიქროთ პროექტზე, რომელიც ხელოსანთა ლიცენზირების და პროფესიონალიზმის საკითხს დაარეგულირებს. ინიციატორის აზრით, უნდა დაიწყოს, თუნდაც თბილისის მერიაში, ხელოსანთა აღრიცხვიანობის ან/და ლიცენზირების გაცემის საკითხთან მიმართებაში.
პარლამენტის ბიუროს გადაწყვეტილებით, დარგობრივი ეკონომიკისა და ეკონომიკური პოლიტიკის კომიტეტს დაევალა განიხილოს ეს საკანონმდებლო წინადადება და გადაწყვეტილება ბიუროს აცნობოს.
საკანონმდებლო წინადადების შეფასებით, ამ ინიციატივის საფუძველი ბათუმის ტრაგედია გახდა. შეგახსენებთ, რომ 8 ოქტომბერს, 26 მაისის ქუჩაზე კორპუსი ჩამოინგრა. მომხდარს 9 ადამიანი ემსხვერპლა, მათგან 3 არასრულწლოვანი იყო.
შს სამინისტრომ მომხდარ ფაქტზე 3 პირი დააკავა.
2
s
s
s