29, ოქტომბერი 2021 18:34:00
"პლაკატების გასაკრავად არ გვცალია" - ასე გამოეხმაურა აჭარის მთავრობის თავმჯდომარე სიძულვილის შემცველ ბანერებს, რომლებიც გუშინ, ქალაქში განთავსდა. პოსტერებზე გაერთიანებული ოპოზიციის ბათუმის მერობის კანდიდატი იყო გამოსახული წარწერით, "კირთაძე გამყიდველია".
თორნიკე რიჟვაძის განმარტებით, გიორგი კირთაძემ თვითმმართველობის საკრებულოს ხელმძღვანელობის პერიოდში, იუნკერების საფლავის გაყიდვა მოახერხა და ბანერებზე განთავსებული წარწერები სიმართლეს შეესაბამება.
ვის და როგორ მიჰყიდა კირთაძემ საფლავი? მთავრობის თავმჯდომარემ კითხვა უპასუხოდ დატოვა.
"ბანერების განთავსების უკან ჩვენ არ ვდგავართ, არ გვცალია პლაკატების გასაკრავად, თუმცა ისინი გამყიდველები არიან. კირთაძემ თვითმმართველობის ხელმძღვანელობის პერიოდში მოახერხა გაეყიდა იუნკერების საფლავი", - თქვა რიჟვაძემ.