არასტაბილურ პოლიტიკურ რეალობასთან ერთად, ქვეყანაში მეორე მძიმე უკიდურესობა გვაქვს. ცხოვრება ადამიანებისთვის უფრო და უფრო რთული ხდება. უარეს მდგმარეობაში ვარდება მცირე და საშუალო ბიზნესიც. გაუფასურებული ლარის და ისედაც გაძვირებული სერვისების ფონზე, მეწარმეები მალე იძულებული გახდებიან, ფასები კიდევ უფრო გაზარდონ. 2021 წლის პირველი დეკემბრიდან, საქართველოში „სოკარ ჯორჯია გაზის“ საცალო, არასაყოფაცხოვრებო მომხმარებლებისთვის, გაზი, 20 თეთრით ძვირდება.
პირველი დეკემბრიდან, იურიდიულ კომპანიებს შესაძლოა გაზის ტარიფი გაუძვირდეთ. განიხლიება საფასურის 20 თეთრამდე მომატება. თუ დღეს ბიზნესისთვის ერთი კუბური მეტრი ბუნებრივი აირი 95 თეთრი ღირს, დეკემბრიდან, მეწარმეებს ყოველ გახარჯულ კუბურ მეტრზე, ერთი ლარი და 15 თეთრის გადახდა მოუწევთ.
კომანია „სოკარ ჯორჯია გაზი“ სატელევიზიო ინტერვისუგან თავს იკავებს, რადგან ამბობს, რომ შესაძლოა ტარიფი დაკორექტირდეს, ან სემეკისგან მხარდაჭრა არ მიიღონ. რატომ აძვირებს გადასახადს, გავრცელებულ განცხადებაში აღნიშნულია, რომ ცვლილება ეროვნული ვალუტის გაუფასურებას და შესაბამისად, მომსახურებასთან დაკავშირებული დანახარჯების გაზრდას უკავშირდება.
დღეის მდგომარეობით, გაზის საფასური უცვლელი რჩება პურის მწარმოებელი კომოპანიებისთვის. ტარიფის გაზრდა, არც ფიზიკურ პირებს ეხებათ, თუმცა ადამიანები უკმაყოფილებას მაინც გამოთქვამენ. ამბობენ, რომ ბიზნესისითვის გაზრდილი კომუნალური გადასახადი ნიშნავს, რომ ცხოვრება მათთვისაც ძალაუნებურად გაძვირდება.
ფაქტია, რომ უკვე გაძვირდა საწვავი, ამერიკულ დოლართან მიმართებაში კი ბოლო 24 საათში ლარი 1 თეთრით გაუფასურდა.
1
_1.jpg)
s
s
s