ხე-ტყის უკანონო მოპოვებისა და ტრანსპორტირების 3 ფაქტი გამოვავლინეთ - გარემოსდაცვითი ზედამხედველობის დეპარტამენტი
ახალი ამბები
06, ნოემბერი 2021 15:10:00
გარემოსდაცვითი ზედამხედველობის დეპარტამენტის სამცხე-ჯავახეთის რეგიონული სამმართველოს თანამშრომლებმა ხე-ტყის უკანონო მოპოვებისა და ტრანსპორტირების 3 ფაქტი გამოავლინეს.
ამის შესახებ ინფორმაციას თავად უწყება ასაჯაროვებს.
"სამართალდარღვევები გამოვლენილია ახალციხისა და ადიგენის მუნიციპალიტეტებში. მოქალაქეებმა უკანონოდ მოიპოვეს წიფლისა და ნაძვის სახეობის ხე-მცენარეები და მათგან მიღებული, ჯამში 7,2 კუბური მეტრი მოცულობის საშეშე მერქნის უკანონო ტრანსპორტირებაც მოახდინეს", - წერია გავრცელებულ განცხადებაში.
დეპარტამენტის ცნობით, ავტომანქანები დაილუქა. სამართალდამრღვევების მიმართ შედგა ადმინისტრაციული სამართალდარღვევის შესახებ ოქმები.
4
s
s
s