8 ნოემბრის საკოორდინაციო საბჭოს გადაწყვეტილებით, პირველი დეკემბრიდან მწვანე პასპორტის კონცეფცია ამოქმედდება, რაც ხელმისაწვდომი იქნება კოვიდზე ვაქცინირებული, ტესტირებული და ვირუსგადატანილი ადამიანებისთვის. 

ჯანდაცვის მინისტრის მოადგილემ, თამარ გაბუნიამ თქვა, რომ საზოგადოებრივ ტრანსპორტში, მაღაზიებში მწვანე პასპორტი სავალდებულო არ იქნება. 

"ისეთ სერვისებში, რაც არის აუცილებელი ბაზისური სასიცოცხლო მოთხოვნა და ადამიანი  უბრალოდ საყოფაცხოვრებო საქმიანობას და ყოველდღიურ ცხოვრებას ვერ გააგრძელებს, თუ არ შევიდა მაღაზიებში, არ შეიძინა პროდუქტი, არ იმგზავრა... სასურსათო მაღაზიაზე მაქვს საუბარი, ესეთ ადგილებში მწვანე საშვის პასპორტი ჯერჯერობით არ ამოქმედდება", - თქვა მან.