ბათუმის ზოოპარკის ისტორია 1898 წლიდან იწყება. ცხოველთა დაცვის საზოგადოებამ ამ ადგილზე ე.წ. მანეჟი დააარსა, სადაც სხვადასხვა სახეობის ცხოველები ბინადრობდნენ: მაიმუნები, დათვები, ძაღლები. წლების განმავლობაში მათთვის აქ გარემო-პირობები იცვლებოდა, თუმცა საუკუნის შემდეგაც განსაკუთრებულს ვერაფერს ნახავთ. ვოლიერების ნაწილი ცარიელია. პრიმატები მცირე ზომის რკინის კონსტრუქციებში ცხოვრობენ. სივრცე, სადაც ირმები არიან, მთლიანად ატალახებულია. შეიძლება ითქვას, რომ გარემო მათი ბუნებრივი პირობებისგან რადიკალურად განსხვავდება
ეს კი პარალელური სამყაროა. ბიძინა ივანიშვილის დენდროლოგიური პარკი. ოლიგარქმა ცხოველებსა და ფრინველებს შესაბამისი კომფორტული გარემო შეუქმნა, რომელიც მაქსიმალურადაა მიახლოებული მათთვის ბუნებრივ პირობებთან.
არასათანადო გარემოში ყოფნა - ერთ-ერთი მიზეზი იყო, რის გამოც ბათუმის საკრებულომ და მერიამ 2018 წელს ზოოკუთხის ჩაქვში, მწვანე კონცხის მიმდებარე ტერიტორიაზე გადატანის შესახებ გადაწყვეტილება მიიღო. ადგილმონაცვლეობის დამატებით მოტივად მაშინდელი მერი ცხოველების დახოცვის ფაქტებსა და შობადობის შემცირებას ასახელებდა. ეს მართლაც ასე იყო. ამაზე დღესაც ღიად საუბრობს ბოტანიკური ბაღის მენეჯმენტი, რომლის მართვაში ზოოკუთხე, სწორედ ამავე პერიოდში გადავიდა. ლაშა კომახიძე ამბობდა იმასაც, რომ სივრცე დისკომფორტის შემცველი ადგილობრივებისთვისაც იყო.
კომახიძისგან განსხვავებით, ზოოკუთხე არსად წასულა. სივრცე დღემდე ადგილუცვლელილა. თუმცა, პრობლემები, რომლებზეც რამდენიმე წლის წინ ქალაქის ყოფილი ხელმძღვანელი საუბრობდა, დღესაც აქტუალურია. ცხოველთა დამცველები ღიად ამბობენ, რომ ფრინველები და პრივატები არაჰუმანურ, შეუსაბამო გარემოში ცხოვრობენ, რაც ციხეში გამომწყვდევის ტოლფასია.
საპირისპიროს ამტკიცებს ბოტანიკური ბაღის ზოოლოგიური განყოფილების უფროსი. გიორგი კალანდაძე არსებულ გარემო-პირობებს შეუსაბამოდ არ მიიჩნევს, თუმცა ამბობს, რომ გაფართოება სასურველი იქნება.
2018 წელს თვითმმართველობამ არამარტო ზოოკუთხის ჩაქვში გადატანის გადაწყვეტილება მიიღო, არამედ იმ ტერიტორიაზე მომიჯნავედ მიწებიც გამოისყიდა, რაშიც საკმაოდ სოლიდური თანხა 568 ათასი ლარი დახარჯა ბიუჯეტიდან. რატომ შეჩერდა ადგილმონაცვლეობის პროცესი? ბოტანიკური ბაღის დირექტორი ამბობს, რომ არც დაწყებულა. ირაკლი არჩაიამ გვითხრა, რომ საკითხი მხოლოდ და მხოლოდ მსჯელობის ეტაპზეა. ჩვენს მაყურებელს ვერც იმით დავამშვიდებთ,რომ ეს უახლოეს პერიოდში მოხდება
როდის გადავა ან გადავა თუ არა ზოოკუთხე მწვანე კონცხის მმდებარე ტერიტორიაზე? - პასუხი ბუნდოვანია. ადგილმონაცვლეობის შემთხვევაშიც კიდევ ერთი საკითხი რჩება გაურკვეველი. რას უპირებს თვითმმართველობა ადგილს, რომელიც ზოოპარკის გამოთავისუფლების ხარჯზე რჩება. მოსახლეობა მწვანე ზონის დატოვებას ითხოვს, აქტივისტები მოქალაქეების საჭიროების კვლევის აუცილებლობას ხედავენ.
მერია კვლავ დუმს. კითხვებზე პასუხის გაცემა უწყებაში არც დღეს ისურვეს.
1
s
s
s