საათნახევრიანი გამოსვლა და პოლიტიკური შინაარსის აქცენტები მსჯავრდებული ექსპრეზიდენტისგან. მიხეილ სააკაშვილის სასამართლო პროცესი დღეს მსოფლიო მედიის ყურადღების ცენტრში იყო. ქვეყნის მესამე, რეფორმატორ პრეზიდენტს მრავალფეროვანი გზავნილები ჰქონდა საზოგადოების მისამართით.
მსჯავრდებულის სკამზე აღმოჩენილმა ექსპრეზიდენტმა საზოგადოებას სასამართლო დარბაზიდან რამდენჯერმე მიმართა. რეფორმატორი ლიდერის განცხადებების შინაარსი მეტწილად პოლიტიკური ხასიათის იყო. თქვა, რომ საქართველოს დამნაშავე პრეზიდენტი არ ჰყოლია, თუმცა დაუშვა ბევრი შეცდომა, მათ შორის ის, რომ ვერ შექმნა დამოუკიდებელი სასამართლო სისტემა.
ქვეყნის მესამე პრეზიდენტმა შეაჯამა, მისი პრეზიდენტობის პერიოდიც. განაცხადა, რომ ბიუჯეტი 12-ჯერ , ხოლო ეკონომიკა 4-ჯერ იყო გაზრდილი“. ამის მიუხედავად კი, ლუარსაბ მეფის შემდეგ პირველი მმართველი გახდა, ვინც ციხის გისოსებს მიღმა აღმოჩნდა. როგორც სააკაშვილმა თავის სიტყვაში აღნიშნა, ის რაც მის ირგვლივ ხდება, რუსული კომბინაციაა.
მესამე პრეზიდენტის მიმართვაში მოხვდა ბათუმიც. მიხეილ სააკაშვილის თქმით, ისტორიის გადაწერის შემთხვევაშიც კი ფაქტად დარჩება, რომ ბათუმი მისი აშენებულია. სასამართლოში სიტყვით გამოსვლისას სააკაშვილი შეეხო მისი გლდანის ციხეში გადაყვანის საკითხსაც. მან სასჯელაღსრულების სისტემა წამებასა და არაადამიანურ მოპყრობაში ამხილა.
საქართველოს მესამე პრეზიდენტმა, ქართული მართლმსაჯულების წინაშე 7 ნოემბრის, სანდრო გირგვლიანისა და ვალერი გელაშვილის საქმის შესახებ დღეს პირველად ისაუბრა. სააკაშვილის თქმით, ორივე საქმე თაროდან იმიტომ ჩამოიღეს, რომ "საქართველოსკენ არ გამოეხედა". დუმილი დაარღვია 7 ნოემბრის მოვლენებზეც. თქვა , რომ კადრები მისთვისაც უსიამოვნო საყურებელია, თუმცა საპასუხოდ პროკურორებს 20 ივნისი და გარდაცვლილი ოპერატორის, ლექსო ლაშქარავას ინცინდენტი შეახსენა.
მიხეილ სააკაშვილმა სასამართლო დარბაზში 2008 წლის ომი და ის მოვლენებიც გაიხსენა, როდესაც აგრესორი ქვეყანა მას საქართველოს დატოვებას სთხოვდა. მისი თქმით, იმ დროს, მისი ქვეყნიდან წასვლა, რუსული ჯარის საქართველოს მთელ ტერიტორიაზე შემოსვლას ნიშნავდა.
1
s
s
s