27, იანვარი 2017 08:21:00
„ნაციონალურ მოძრაობაში“ ხელისუფლებას დღეს წინასაარჩევნოდ გაცემული დაპირება შეახსენეს და პედაგოგებისთვის ხელფასის მომატება მოსთხოვეს. როგორც გია აბულაძე ამბობს, იმისათვის რომ პედაგოგებმა დაპირებული 800 ლარიანი მინიმალური ხელფასი მიიღონ ბიუჯეტში ცვლილებებია საჭირო. ოპოზიციის წარმომადგენლის განმარტებით, მათი მოთხოვნით სკოლებისთვის გამოყოფილი ბიუჯეტი 555 მილიონი ლარიდან 572 მილიონამდე გაიზარდა, თუმცა ეს ჯერ კიდევ არ არის საკმარისი და იმისათვის რომ სტატუსის გარეშე მყოფი 7 000 პედაგოგი დაკმაყოფილდეს 610 მილიონია საჭირო. სპეციალურად გამართულ ბრიფინგზე იმყოფებოდა ქვედა სამების საჯარო სკოლის პედაგოგიც. ლელა ვერულიძე ტრენინგების დაწყვებას ელოდება, რომლის გავლის შემდეგაც იგი სასურველ სტატუსსა და ანაზღაურებას მიიღებს. თუმცა, პედაგოგის ვარაუდით, სამინისტროში ტრენინგებისთვის საჭირო რესურსი არ არის და სექტემბრის თვისთვის მისი ანაზღაურების გაზრდა ვერ მოხერხდება.