18, სექტემბერი 2017 14:07:00
საპროტესტო აქცია გაიმართა ქობულეთში. ბაგრატიონის და რუსთაველის ქუჩის მცხოვრებლები იმ მიწების დაკანონებას ითხოვენ, რომლებიც მათი საცხოვრებელი სახლების მიმდებარედ, ფიჭვნარის ტერიტორიაზე მდებარეობს. საუბარია 300 დან 500 მდე კვმ სასოფლო სამეურნეო დანიშნულების ფართზე თითოეული ოჯახისთვის , რომლებიც წლების განმავლობაში იჯარით ჰქონდათ აღებული, თუმცა დაკანონებას ვერ ახერხებენ. მიწების დაკანონების მოთხოვნით ფიჭვნარის ტერიტორიაზე მცხოვრებლებმა გამგეობასა და მიწის აღიარების კომისიას არაერთხელ მიმართეს, თუმცა უარი მიიღეს. აქციის მონაწილეებისთვის გაურკვეველია რატომ ეუბნებიან უარს შესაბამისი სამსახურები. ადგილობრივების თქმით, პრობლემის მოგვარებას მთავრობის თავმჯდომარეც დაპირდა, თუმცა უშედეგოდ.