19, სექტემბერი 2017 16:02:00
მენეჯერის პოზიციაზე დასაქმებული 300 ბენეფიციარი დასაქმების სააგენტოს პარტნიორ ორგანიზაციებში ტრენინგებს გაივლის. სწავლება დასაქმების სააგენტოს „პროფესიული კვალიფიკაციის ამაღლება და უნარების გაძლიერება ახალი საბაზრო მოთხოვნების“ ქვეპროგრამის ფარგლებში ჩატარდება. ტრენინგ-მოდულები პროგრამის ფარგლებში გამოკითხვის შედეგად შემუშავდა. მარკეტინგი და გაყიდვები, ადამიანური რესურსების მართვა, შრომითი და პროფესიული უსაფრთხოება, ხარისხის მართვა და მომსახურება, სოციალური მედია და საზოგადოებასთან ურთიერთობა. აღნიშნული ტრენინგი 1 დეკემბრამდე გაგრძელდება და მას ტენდერში გამარჯვებული კომპანია: შპს „აითი-ნოლიჯი“ ახორციელებს.