20, სექტემბერი 2017 20:02:00
ხულოში „ცოცხალი პირუტყვის აგრარული ბაზარი“ ამ დრომდე არ მოწყობილა. სოფლის მეურნეობის სამინისტროში აცხადებენ, რომ ტერიტორიის გამოყოფა მუნიციპალიტეტის ხელმძღვანელობას უნდა უზრუნველეყო. თუმცა ადგილი ბაზრისთვის ამ დრომდე მოძიებული არ არის. „ცოცხალი პირუტყვის აგრარული ბაზარი“ მიმდინარე წლის დასაწყისში უნდა ამოქმედებულიყო, სადაც კერძო პირები და მეწარმეები შეძლებდნენ ცოცხალი პირუტყვის შეძენას. აგრარულ ბაზართან ერთად, ხულოში ვეტერინარული კლინიკის მოწყობაც არის დაგეგმილი. პროექტის თანახმად, პირუტყვის აგრარული ბაზარი თავდაპირველად - მაღალმთიან აჭარას, 2018 წლიდან კი სამცხე-ჯავახეთსაც უნდა მოემსახუროს. რატომ ვერ მოიძებნა მუნიციპელიტეტში ბაზრისთვის ტერიტორია - კითხვა პასუხგაუცემელი დარჩა. ხულოს გამგეობაში დღეს ჩვენ სატელეფონო ზარებს არ უპასუხეს.