29, იანვარი 2017 11:18:00
ბათუმის რესპუბლიკური საავადმყოფოს თანამშრომლები უმუშევრები არ დარჩებიან - ამის პირობას აჭარის მთავრობის თავმჯდომარე დებს, თუმცა რა გზით შეინარჩუნებს დაწესებულება მედ-პერსონალს ზურაბ პატარაძემ ჯერ არ იცის. ამბობს, რომ მთავრობა კერძო კომპანიებთან მოლაპარაკებებს აწარმოებს და არ არის გამორიცხული, რომ მათი გადანაწილება სხვადასხვა კლინიკებში მოხდეს. შეგახსენებთ, რომ რესპუბლიკური საავადმყოფო 6 თვით ფუნქციონირებას წყვეტს, ამის მიზეზი კი ახალი კორპუსის მშენებლობა გახდა. სამედიცინო დაწესებულებაში დაახლოებით 540 ადამიანი მუშაობს.