30, იანვარი 2017 08:29:00
დიდთოვლობის გამო მესამე დღეს ბათუმში გადაადგილების პრობლემებია. ქალაქში მხოლოდ ცენტრალური ქუჩებია გაწმენდილი, გარეუბნებში გადაადგილება კი მძღოლებს უჭირთ. მოძრაობა გართულებულია ქვეითებისთვისაც. გაუწმენდავია ტროტუარები. გარეუბნებში, ძირითადად ე.წ. ჭაობის დასახლებაში ანტისანიტარიაა. აქ ამ დრომდე "სანდასუფთავების" მანქანები არ გამოჩენილა. მიუხედავად მოსახლეობის განცხადებისა და "მაცნეს" გადამღები ჯგუფის მიერ დაფიქსირებული პრობლემებისა, ბათუმის მერიაში ირწმუნებიან, რომ იწმინდება როგორც საავტომობილო, ასევე საფეხმავლო ბილიკები, იყრება ტექნიკური მარილი. იმ უბნებში კი, სადაც ინფრასტრუქტურული სამუშაოები მიმდინარეობს ქუჩების გაწმენდა ვერ ხერხდება, რადგან ტექნიკის გადაადგილება შეუძლებელია.