30, დეკემბერი 2016 08:20:00
თენგიზ ქოქოლაძე „ბათუმის წყლის“ დირექტორია. იგი ახალ თანამდებობაზე მუშაობას უკვე შეუდგა. ქალაქის მერის გიორგი ერმაკოვის რჩეული ორგანიზაციაში საკადრო ცვლილებებს არ გეგმავს. „სოკარ ჯორჯია გაზი აჭარას“ ყოფილ დირექტორს, პროფესიით ინჟინერს ამ ეტაპზე არც განვითარების კონკრეტული ხედვა აქვს. ამბობს, რომ მისთვის პრიორიტეტი ქალაქისთვის სუფთა წყლის მიწოდება იქნება. შპს „ბათუმის წყლის“ დირექტორის პოზიცია 10 თვეა ვაკანტურია. მას მერე, რაც ალექსანდრე მიქელაძე სკანდალში გაეხვა და თანამდებობიდან წასვლა მოუწია. კონკრეტულად კი, რესტორან „ბიქეიში“ ვიზიტს ინციდენტი მოჰყვა. თანამშრომლების მტკიცებით, კვების ობიექტში მიქელაძეს სასურველი მაგიდა ვერ შესთავაზეს, მიქელაძემ კი ობიეტის დატოვებიდან 20 წუთში რესტორანს წყლის მიწოდება შეუწყვიტა.
3
s
s
s