17, ოქტომბერი 2017 17:04:00
სულაბერიძის შესახვევში მცხოვრებლები გზის შეჩერებული სარეაბილიტაციო სამუშაოების განახლებას მოითხოვენ. მოსახლეობის თქმით, 15 დღეა ქუჩაზე სიტუაცია უცვლელია, დაუსრულებელია რამდენიმე საკანალიზაციო არხის მოწესრიგებაც, რის გამოც ორმოები ძლიერი წვიმის შედეგად ივსება და ფეხით მოსიარულეებისთვის გადაადგილება შეუძლებელია. ქუჩაზე არც გარე განათება ფუნქციონირებს. ბათუმის მერიაში სატელევიზიო კომენტარი არ გააკეთეს, პირად საუბარში კი განმარტავენ, რომ სულაბერიძის შესახვევში დაწყებული სარეაბილიტაციო სამუშაოები გამოდარებისთანავე გაგრძელდება. უწყების ცნობით, 15 ნოემბრამდე დასრულდება გზის საფარის, სანიაღვრე-საკანალიზაციო სისტემის და გარე განათების მოწყობა.