20, ოქტომბერი 2017 17:09:00
წინასაარჩევნო პერიოდში დაფიქსირდა ადმინისტრაციული რესურსის გამოყენების ფაქტები მმართველი პარტიის სასარგებლოდ - ამის შესახებ საია-ს თავმჯდომარემ ჟურნალისტებს წინასაარჩევნო გარემოს შეფასების მეორე შუალედური ანგარიშის წარდგენისას განუცხადა. ანა ნაცვლიშვილის ინფორმაციით, პირველი აგვისტოდან 15 ოქტომბრის პერიოდში ადმინისტრაციული რესურსის გამოყენების 9 ასეთი ფაქტი დაფიქსირდა. ნაცვლიშვილის თქმით, საბიუჯეტო ორგანიზაციებში დაფინანსებული ადამიანების ჯგუფური მობილიზება კითხვის ნიშნებს აჩენს.