31, იანვარი 2017 05:18:00
რესპუბლიკური საავადმყოფო ფუნქციონირებას უწყვეტ რეჟიმში გააგრძელებს - გადაწყვეტილების შესახებ მთავრობასა და ექიმებს შორის გამართული მოლაპარაკების შემდეგ გახდა ცნობილი. შეხვედრა რესპუბლიკური საავადმყოფოს შენობაში გაიმართა. მედპერსონალთან მოლაპარაკებას აჭარის ეკონომიკის და ჯანდაცვის მინისტრები აწარმოებდნენ. როგორც გაირკვა, ახალი შენობის დასრულებამდე ექიმები პაციენტების მიღებას ძველ კორპუსში, ჩვეული რეჟიმით გააგრძელებენ. მშენებლობის დასრულების შემდეგ რესპუბლიკურ საავადმყოფოში ახალი პერსონალის დამატებაც იგეგმება.