24, ოქტომბერი 2017 17:01:00
მიზნობრივი ქვეპროგრამის ,,შშმ პირთა პროფესიული გადამზადებისა და დასაქმების ხელშეწყობის“ ფარგლებში, კურსდამთავრებულებს სერთიფიკატები გადაეცათ. დასაქმების სააგენტოს პროგრამით, 10-მა შშმ პირმა ისარგებლა. მათ საშუალება ჰქონდათ ბუღალტერიის, ვებ-ინტერფეისის დეველოპერისა და სასტუმრო-სარესტორნო საქმის წარმოების სპეციფიკას დაუფლებოდნენ. პროექტის მიზანია აჭარაში მცხოვრები პროფესიული უნარების შესწავლის სურვილის მქონე შშმ პირების პრაქტიკული უნარების შეძენა-ამაღლება. სასწავლო კურსები საზოგადოებრივმა კოლეჯმა ,,ახალმა ტალღამ“ და შპს ,,ფეიქრიშვილი და კომპანია“-მ განახორციელა.