09, იანვარი 2017 05:19:00
გიორგი ბოლქვაძე, მირზა ციმნარიძე
ბათუმის ბულვარის ადმინისტრაციის დირექტორის თანამდებობაზე ეთერ მაჭუტაძის კანდიდატურა აქტიურად განიხილება. განცხადება ამის შესახებ დღეს აჭარის ფინანსთა და ეკონომიკის მინისტრმა გააკეთა. რამაზ ბოლქვაძის თქმით, მაჭუტაძესთან ერთად აღნიშნულ თანამდებობაზე სხვა კანდიდატურებიც მოაზრება და გადაწყვეტილებას უახლოეს დღეებში მიიღებს. ეთერ მაჭუტაძე პროფესიით აგრონომი, მეტყევე და დეკორატორია. ამჟამად იგი ბათუმის მერიის „გამწვანებისა და ლანდშაფტური დაგეგმარების სამსახურს“ ხელმძღვანელობს. ამ მიმართულებით მას 28 წლიანი მუშაობის გამოცდილება აქვს. სატელევიზიო კომენტარის გაკეთებისგან მაჭუტაძემ დღეს თავი შეიკავა.