აფხაზეთის ომმა ისინი წლების წინ მტრებად აქცია. წლების შემდეგ შვილმკვდარმა დედებმა შერიგების მაგალითი აჩვენეს და შვილები ერთად დაიტირეს. ერთი შვილს წლების განმავლობაში ეძებდა, მეორემ კი ღირსეულად შეინახა ერთადერთი შვილისა და მისი მკვლელის საფლავები და დედას ჩააბარა. ეს სპექტაკლის - „ჩვენ დავბრუნდებით“ მოკლე ანოტაციაა. ცნობილი ისტორია სცენაზე ფერიის #1 საჯარო სკოლის მოსწავლეებმა კიდევ ერთხელ გააცოცხლეს. ასე სცადეს განეცადათ და გადმოეცათ ქართველი და აფხაზი ხალხის ურთიერთობის სიღრმე და დაბრუნების იმედი.
აქამდე ლოცვა იყო, ახლა კი „დაბრუნებას“ კიდევ ერთი გზით შეეცდებიან. გადაწყვიტეს, ერთ ენაზე საუბარი შეძლონ. ფერიის საჯარო სკოლაში აფხაზური ენის კლასი გაიხსნა.
აფხაზური კლასების შემოღებაზე საუბარი რამდენიმე თვის წინ დაიწყო. ინიციატივა შერიგებისა და სამოქალაქო თანასწორობის საკითხებში სახელმწიფო მინისტრს ეკუთვნის. ქეთევან ციხელაშვილმა ერთ-ერთი პირველი კლასი აჭარის მთავრობის წარმომადგენლებთან ერთად გახსნა.
აიკუცბების ოჯახში აფხაზურად ყველა თაობა ლაპარაკობს, თუმცა წერა-კითხვა. უჭირთ. ამბობენ, რომ ეს აფხაზ ნათესავებთან თუ მეგობრებთან ურთიერთობისთვის ძალიან სჭირდებათ.
ჯერ არც სასწავლო სახელმძღვანელო აქვთ და არც რაიმე პროგრამა, ჭირს სპეციალისტებიც, თუმცა ხელშეწყობაზე პასუხისმგებლობას სახელმწიფო სრულად იღებს.
ბათუმში აფხაზებით დასახლებული კიდევ რამდენიმე უბანია, ამიტომ სპეციალური კლასი ქალაქის მე-14 საჯარო სკოლაშიც გაიხსნა. აქ ჯერ ერთი ჯგუფია. დაემატება თუ არა კლასები - ეს უკვე მოთხოვნაზეა დამოკიდებული.
2
s
s
s