01, თებერვალი 2017 06:30:00
უბედური შემთხვევა მოხდა ხელვაჩაურის მუნიციპალიტეტის სოფელ ზედა ფერიაში. ქართველიშვილების ოჯახის საცხოვრებელი სახლის ნგრევის შედეგად, 44 წლის მამაკაცი გარდაიცვალა. შემთხვევა დაახლოებით ღამის პირველ საათზე მოხდა. ნგრევის დროს სახლში მხოლოდ ოჯახის ერთი წევრი იმყოფებოდა. ადგილზე მისულ სამაშველო ჯგუფს მამაკაცი უკვე გარდაცვლილი დახვდა. საცხოვრებელი სახლი ხისგან იყო ნაშენები. მეზობლების განცხადებით, ის ავარიული არ იყო. მათივე თქმით, ოჯახის უფროსმა, ავადმყოფობის გამო, სახურავის თოვლისგან გაწმენდვა ვერ მოახერხა და სავარაუდოდ, სწორედ ამან გამოიწვია ნგრევა.