01, თებერვალი 2017 11:26:00
სააღმზრდელო პროცესი ჩაიშალა ბათუმის მე-10 საბავშვო ბაღში. აქ აცხადებენ, რომ ბავშვების მისაღებად ბაღი სრულ მზადყოფნაში იყო, თუმცა მხოლოდ ერთი აღსაზრდელი გამოცხადდა, რომელიც მშობელმა თავისივე სურვილით უკან წაიყვანა. მასწავლებლების განცხადებით პრობლემას ბაღამდე მისასვლელი გზების მოუწესრიგებლობა წარმოადგენს, რის გამოც მშობლებს ბაღში ბავშვების მიყვანა უჭირთ.სააღმზრდელო პროცესი არ შედგა არც მეშვიდე საბავშვო ბაღში. აქ გამათბობელი ამ დრომდე არ შეკეთებულა. მასწავლებლების თქმით, ბაღს ელექტრო გამათბობელი აქვს. სააღმზრდელო პროცესის ჩაშლის მიზეზად კი აქაც ბავშვების გამოუცხადებლობას ასახელებენ. ბათუმის ბაღების გაერთიანებაში კი ირწმუნებიან, რომ ქალაქში მოქმედი 30 საბავშო ბაღიდან ამ დროისთვის სააღმზრდელო პროცესი 29 ბაღში შეუფერხებლად მიმდინარეობს.