ნიორის პროგრამას აჭარის სოფლის მეურნების სამინისტრო აღარ განახორციელებს. უწყებაში მიზეზად არშემდგარი ტენდერი დასახელდა. ა(ა)იპ-ი „აგრო პროექტების მართვის სააგენტოში“ განაცხადეს, რომ ბოლოს ჩატარებული ტენდერის შედეგები ერთ-ერთმა მონაწილე კომპანიამ გაასაჩივრა. ჯამბულ აბულაძის თქმით პროცედურები დროში გაიწელა, რის გამოც მაღალმთიან რეგიონში ნიორის გაშენება შეუძლებელი გახდა. პროგრამისთვის სოფლის მეურნეობის სამინისტროდან 624 000 ლარი იყო გამოყოფილი. ჯამში გამარჯვებულ კომპანიას 48 ტონა ნივრის თესლი უნდა შეეძინა, რომელიც 32 ჰექტარზე გაშენდებოდა. უწყებაში აცხადებებნ, რომ აღნიშნულ თანხას სამინისტრო ფაროსანას წინააღმდეგ ბრძოლისთვის გამოიყენებს. ნიორის პროგრამის განხორციელებას კი მომავალი წლიდან გეგმავენ. რატომ არ შეისყიდა უწყებამ სათესლე მასალა პირდაპირი შესყიდვის წესით და როგორ აფასებენ სამინისტროს გადაწყვეტილებას ექსპეტრები და ფერმერები, სიუჟეტი მთავარ გამოშვებაში.
32
s
s
s