10, ნოემბერი 2017 14:06:00
2024 წლიდან სკოლამდელი აღზრდის დაწესებულებაში დასაქმების მსურველს უმაღლესი განათლება მოეთხოვება. შესაბამისი ცვლილება „ადრეული და სკოლამდელი აღზრდისა და განათლების შესახებ საქართველოს კანონში“ უკვე განხორციელდა. ცვლილების თანახმად, განსაზღვრულია სწავლის სფეროები, აკადემიური ხარისხები და სამუშაო გამოცდილება, რომელიც აუცილებელი წინაპირობაა ადრეული და სკოლამდელი აღზრდისა და განათლების დაწესებულებებში აღმზრდელ-პედაგოგად მუშაობის დასაწყებად. უკვე დასაქმებულები პირებს, რომლებსაც მხოლოდ პროფესიული განათლება აქვთ, სამინისტროს მიერ შემუშავებული ტრენინგ-მოდულს გავლა მოუწევთ, რათა აღმზრდელ-პედაგოგის სტატუსი მიიღონ.