ხელვაჩაურის მუნიციპალიტეტში სახლის ჩამონგრევას მსხვერპლი მოყვა. უბედურ შემთხვევას 44 წლის მამაკაცი ემსხვერპლა. მეზობლების თქმით, სახლის ჭერი დაახლოებით ღამის პირველის ათ წუთზე ჩამოინგრა. იმ დროისთვის სახლში ოჯახის მხოლოდ ერთი წევრი იმყოფებოდა.
ელგუჯა ქართველიშვილი სოფელ ზედა ფერიაში მეუღლესთან და ორ შვილთან ერთად ცხოვრობდა. მეზობლების განცხადებით, სახლი ავარიული არ იყო. მათივე თქმით, იგი ხშირად ავადმყოფობდა, რის გამოც, სახურავის თოვლისგან გაწმენდვა ვერ მოახერხა და ნგრევაც სავარაუდოდ სწორედ ამან გამოიწვია.
ქართველიშვილები სოციალურად დაუცველები იყვნენ. 4 წევრიანი ოჯახი სახელმწიფოსგან დახმარების სახით ყოველთვიურად 180 ლარს იღებდა.
წლებსი განმავლობაში ოჯახი ავარიულ სახლში ცხოვრობდა, ხელვაჩაურის გამგეობის ინფორმაციით 2016 წელს აღნიშნულ ოჯახს კაპიტალური შენობის გასამაგრებელი სამუშაოების განსახორციელებლად 7 747 ლარი გამოუყო. სპეციალური კომისის დასკვნის თანახმად, აღნიშნული თანხა ოჯახმა მიზნობრივად გახარჯა. თუმცა ელგუჯა ქართველიშვილი მეუღლლესთან და შვილებთან ერთად ეზოში არსებულ ხის სახლში გადავიდა საცხოვრებლად. ნადიმ ვარშანიძის განცხადებით, უახლოეს მომავალში გარდაცვლილის ოჯახს გამგეობის სარეზერვო ფონდიდან ერთჯერადი დახმარების სახით თანხა გამოეყოფა.
შსს-ს ინფორმაციით, გამოძიება დაწყებულია სსკ-ის 116-ე მუხლით, რაც გაუფრთხილებლობით სიცოცხლის მოსპობას გულისხმობს.
24
s
s
s