02, თებერვალი 2017 05:29:00
დიდთოვლობას აჭარაში კიდევ ერთიადამიანი ემსხვერპლა. ხელვაჩაურის რაიონის სოფელ ზედა განთიადში გორგაძეების სახლს სავარაუდოდ, საყრდენი ბოძი გამოეცა, რაც ნგრევის მიზეზი გახდა. ოჯახის ხუთი წევრიდან ერთი 49 წლის მამაკაცი დაიღუპა. შემთხვევის დროს სახლში კიდევ 4 ადამიანი იმყოფებოდა, ისინი ნანგრევებიდან სამსაათიანი სამაშველო ოპერაციის შედეგად ამოიყვანეს. დაშავებულებიდან ერთ- ერთი ფეხმძიმედაა. ადგილზე 60 მდე მეხანძრე მაშველი იმყოფებოდა. ხელვაჩაურის გამგებელი ამ ეტაპზე ვერ აკონკრეტებს თუ რა სახის დახმარება გაეწევა ოჯახს. დაშავებულები ამ დროისათვის სამედიცინო დაწესებულებაში არიან მოთავსებულები.