ქობულეთში, სოფელ ცეცხლაურში ნაგავსაყრელის მშენებლობის მეორე ეტაპი დაიწყო. შერჩეულია 8 კომპანია, რომლებმაც ფინანსური დოკუმენტაცია უნდა წარადგინონ. ამის შემდეგ გამარჯვებული კომპანია ახალი ნაგავსაყრელის მშენებლობას დაიწყებს. აჭარის ფინანსთა და ეკონომიკის მინისტრის განცხადებით, სამუშაოები მიმდინარე წლიდან უნდა დაიწყოს. პარალელურად იგეგემება ძველი ნაგავსაყრელების კონსერვაცია და დაკალიბრება. სამუშაოები 18 თვეში უნდა დასრულდეს. ქობულეთში ნაგავსაყრელის მშენებლობა მიმდინარე წლის გაზაფხულზე უნდა დაწყებულიყო. სამუშაოებისთვის სამინისტროდან 5 მილიონი ლარი იყო გამოყოფილი. თუმცა მიმდინარე წლის თებერვალში კომპანიის ხელმძღვანელმა, რომელსაც სამუშაოები უნდა განეხორციელებია, თანხა მიითვისა. სამუშაოები სამინისტრომ სექტემბრის თვეში დაანონსა, თუმცა სატენდერო ვადების გამო კომპანიის შერჩევა ამ დრომდე მიმდინარეობს. ახალი ნაგავსაყრელის მოწყობისთვის რესპუბლიკური ბიუჯეტიდან 2 მილიონ 300 ათასი ლარია გამოყოფილი. ნაგავსაყრელის მშენებლობის პროექტი ევროპის რეკონსტრუქციის ბანკის ფინანსური დახმარებით განხორციელდება.
2
s
s
s