16, ნოემბერი 2017 20:03:00
სულხან მოწყობილმა და დავით ვერულიძემ - ქობულეთის მუნიციპალიტეტის მერის მოადგილეების პოსტები ჩაიბარეს. სულხან მოწყობილი, რომელიც პირველი მოადგილის თანამდებობაზე დღეს დაინიშნა, წლების განმავლობაში გამგეობაში მუშაობდა, მას 2011-2012 წლებში ქობულეთის მუნიციპალიტეტის გამგებლის მოადგილის პოსტიც ეკავა. დავით ვერულიძე კი ბოლო 2 წლის განმავლობაში გამგეობის შესყიდვების განყოფილების უფროსი იყო. მირიან ქათამაძე ამბობს, რომ მოადგილეების შერჩევისას აქცენტი პროფესიონალიზმზე, კვალიფიციურობასა და სამუშაოგა მოცდილებაზე გააკეთა. ქობულეთის მერი ირწმუნება, რომ ახალი გუნდით ქობულეთელების კეთილდღეობაზე იზრუნებს.