17, ნოემბერი 2017 14:02:00
უფასო კონსულტაციები ბათუმის იოსებ ჩარკვიანის სახელობის სამშობიარო სახლში. მეან გინეკოლოგები და ქირურგები სამედიცინო დაწესებულებაში მისულ მოქალაქეებს ხვალ უფასო კონსულტაციებს გაუწევენ. ასევე 50 % ფასდაკლება იმოქმედებს კლინიკო ლაბორატორიულ და ექოსკოპიურ გამოკვლევებზეც. პაციენტებმა აღნიშნულ სამედიცინო დაწესებულებას დილის 10:00 საათიდან, 14:00 საათამდე უნდა მიმართონ. ბათუმის სამშობიარო სახლი მსგავსი გამოკვლევების ჩატარებას მომავალშიც გეგმავს.