20, ნოემბერი 2017 17:03:00
18 ხმით ქედის მუნიციპალიტეტის საკრებულოს თავმჯდომარედ ქართული ოცნების წევრი შუქრი თურმანიძე აირჩიეს. კენჭისყრაში 24 დეპუტატიდან მონაწილეობა ოპოზიციის 6-მა წარმომადგენელმა არ მიიღო. ქობულეთში კი წარმომადგენლობითი ორგანოს თავმჯდომარის პოსტი დავით მჭედლიშვილმა დაიკავა. რაც შეეხება ხელვაჩაურის მუნიციპალიტეტს . აქ საკრებულოს თავმჯდომარე მმართველი გუნდის სიის პირველი ნომერი ყოფილი გამგებელი ნადიმ ვარშანიძე გახდა, მისი მოადგილის თანამდებობა კი მალხაზ სალვარიძეს ერგო. ნადიმ ვარშანიძე მეოთხე მოწვევის წარმომადგენლობითი ორგანოს პირველ სხდომაზე ფარული კენჭისყრით, 17 ხმით აირჩიეს.