სამი თვის წინ განაცხადა, რომ პოლიტიკაში ტაიმ-აუტს იღებდა, თუმცა პარტია „თავისუფალი დემოკრატების“ დატოვებას არ აპირებდა. სამი თვის შემდეგ კი ცნობილი ხდება, რომ სულხან ღლონტმა პარტიის როგები საარჩევნო პერიოდში დატოვა, დღეს კი აჭარის ტურიზმისა და კურორტების დეპარტამენტის თავმჯდომარის პოსტი ჩაიბარა. უმაღლესი საბჭოს ყოფილი დეპუტატი დღეს ირწმუნება, რომ უპარტიოა. ახალი ხელმძღვანელი თანამდებობაზე თანამშრომლებს აჭარის მთავრობის თავმჯდომარემ წარუდგინა. ზურაბ პატარაძემ ღლონტის განათლებასა და გამოცდილებაზე გაამახვილა ყურადღება. ტურიზმის დეპარტამენტის ახალბედა თავმჯდომარე მიზნად ისახავს რეგიონი, ტურიზმის განვითარების თვალსაზრისით, ოთხივე სეზონზე გაააქტიუროს. სულხან ღლონტი 2009 წლიდან პოლიტიკური მოძრაობა "თავისუფალი დემოკრატების" თანადამფუძნებელი და გამგეობის წევრი იყო. 2012 წლიდან იგი უმაღლესი საბჭოს წევრი გახდა კოალიცია „ქართული ოცნებიდან“, ასევე იყო ფრაქცია "თავისუფალი დემოკრატების" თავმჯდომარე. რაც შეეხება ღლონტის წინამორბედს, მამუკა ბერძენიშვილს, რომელიც ტურიზმისა და კურორტების დეპარტამენტს წელიწადნახევრის განმავლობაში ხელმძღვანელობდა, რეგიონის მთავრობის თავმჯდომარე ირწმუნება, რომ იგი გუნდის წევრად რჩება.
1
s
s
s