27, ნოემბერი 2017 17:01:00
ბათუმში ეროვნული ბანკის ყოფილი შენობა გაიყიდა. 9 მლნ ლარად ობიექტი შპს "სტარმა" პირობიანი აუქციონით შეიძინა. როგორც აჭარის ეკონომიკის სამინისტროში აცხადებენ, ადგილზე კომპანია სასტუმროს მოწყობას გეგმავს, რისთვისაც 12მლნ-ის ინვესტიცია უნდა განახორციელოს. შენობას კულტურული მემკვიდრეობის ძეგლის სტატუსი აქვს მინიჭებული. ინვესტორი ვალდებულია ობიექტს პირვანდელი სახე შეუნარჩუნოს. ახალი მფლობელი ასევე ვალდებულებას იღებს ბათუმის მერიის კუთვნილი საათის მოვლა-პატრონობაზე. აუქციონი 20დღის წამოცხადდა. აღნიშნულ შენობაში წლების განმავლობაში ბანკი ფუნქციონირებდა, თუმცა ობიექტი უკვე 20 წელია უფუნქციოდ იყო დარჩენილი.